فايلات المسؤولين
أكو مودهَ، ما أدري عادة عند جماعتنا المَسؤولين: من إيضِيم واحدهم الضَيم وتضيق بيه الأمور ويشوف نفسه راح يوگع بالنگرهَ، ما يگعد ويه نفسه ويچيكْ وين چانويين صار، ولا يتذكر المسؤولين الي چانواگبلها شصار بيهم، لا يطلع نافش ريشه ويگول:
عندي ملفات وإذا طلعتها راح تنگلب الدنيا، وأكو حيتان فساد راح يوگعون واذا وگعوا راح تصير ضغبره.
سمعناها گبل چم سنهَبعد سقوط النظام القديم وبدا النظام الجديد، وضلينه نسمعها طول هاي السنين حتى وگعنه من وراها ومن وره غيرهابالحيره، وضلينه نسأل نفسنا ونسأل بعضنا البعض:
أگلكم أشو ما طلع ولا ملف؟. زين إشوكت راح يطلع أول ملف؟. أكو أحسن من هذا الوكت الي أن تطلع بيه الملفات وحيتان الفساد؟. وبالنتيجة أشوما طلع ولا ملف.
وإچمالهكلما يروح مسؤول ويجي مسؤول نرجع نسمع مثل هذا الحچي من جديد، يمكن المسؤول عباله إحنه ما سامعين هذا الحچيالماصخمن گبل.
يمعودوندطلعوا الـ.. الدرر من حلوگكم عاد، وخلّوا الناس تشوف دَربها، وخلي الشباب تحط أهل الملفات الچبيرة جدام عيونها من تهَوّسْ، أحسن ما تصير هوسات هم لعب چعاب.
طلعوها من فدوه نروحلكم والله صرنه حچايه بحلوگ اليسوه والي مايسوه.
قدمولكم فد حوت قربان لهذا الزمان الردي، حتى بلكت يصير شاره لأمة محمد.
بس تريدون الصدگ بعد كل هذا الحچي وبعد كل هاي السنين الي راحت هدر من عمارنه ما أصدگ راح يطلع فايل مرصرص وما أصدك راح يطلع حوت من هذا المي الراكد.