16. لازم ما ننسى


لازم ما ننسى

عود من الناس تطلع مظاهرات، لو يصير وكت الانتخابات،نشوف الكل عدنه تبيّس بالسياسيين وبس، ولو الصدك همّهَ جلدهم ثخين ولازم يتحملون كل الي صار ودا يصير.

لكن بنفس الوكت وبمثل هيچي أيام، ما لازم ننسى مشاكل نعيشها أو عايشة ويانه، ما نعوف المقاول الي غَشْ بالاسمنت ووگع الگنطرة، ولا ننسى الموظف الي زَيّد سِعر الكُلفه بحاجة حتى يَقبض هو الفرق، ولا نغض النظر عن التاجر الي جاب بضاعة خلصان عمرّها وَموَتْ الجوعانين خطيه حتى يزيد فلوسه بالبنگ، ولا نغمض عن الي مسوي نفسه مومن ويبَيّتْ القتله بالجامع، ولا نفوتْ الفلاح إلي حط تراب وية الحنطهَ حتى يزيّد وزنها، ولا نغفل أبو البلدية إلي جاب كنانيسوحسبهم خمسين، ولا البصوان إلي ينام وره ما يغُورب الغروب وكلما يفز من النوم يصوفر وحده، ولا الشرطي الي يعطل المعاملةلو يأخرك متعمد إلا تنطيه، ولا الضابط إلي يلفط أكل جنوده ويصيح جوعان، ولا الطبيب إلييسوي عملية لواحد ما بيه شي بس حتى ياخذ فلوس، ولا المدرس إلي ما يْنَجِحْ الطلاب الا ياخذون عنده دروس خصوصية، لو ينطي الأسئلة بفلوس، ولا السكران اليگام يصلي بحسينیة المسؤول، ولا الشيخ إلي يگاوم عشاير گباله على مومس، ولا المتدين إلي يوتي على ربعه حتى يكتلوهم الارهابيينن، ولا الچذب الي نچذبه كليتنه.. لو..لو.

 واللو دا تزحف إشويه إشويه حتى توصل للچعب.

واذا وصلت للچعب لو للگوگة، ما يحلها حتى الحمزة أبو إحزامين... عاد إشلون نخليها ما توصل، هذا هو رباط الحجي.